Garoonka banaadir waxaa lagu soo gaba gabeeyay tartanka Horyaalka Xidigaha oo Markii ugu horeysay lagu qabtay gudaha dalka waxaana nasiibka uu siiyay in ay ku guuleysato kooxda Elman oo tariikh ku dhigtay kooxihii ka qayb galay tartanka.
Taranka ayaa waxaa ka qayb galay lixdii kooxod ee ugu sareyay horyaalkii 2017-2018 oo ay ku guuleysatay kooxda Kubada Cagta Dekadda Banaadir oo kaalinta labaad kaga dhameysatay tartanka iyo kooxda Kubada cagta Heegan oo kaalinta sadexaad kaga dhameysatay Horseed Elman iyo Jenyo oo kaalimaha afaraad Shanaad iyo Lixaad ku dhameystay.
Tartanka ayaa ahaa mid kooxaha ay is wada arkeen dhibco lagu qaadayay hase yeeshe kooxihii ugu dhibcaha badnaa horyaalkii la soo dhaafay ayaa ku guuldareystay in ku guuleystaan tartanka sida Dekadda iyo Baaadir oo labadii sano ee la soo dhaafay kaalimaha kowaad iyo labaad ku dhameystay.
Macalinka Taree oo dhowaan la wareegay shaqada kooxda Elman ayaa u suurta geliyay in kooxda Elman ay ku guuleysato koobka Horyaalka Xidigaha oo Markii Ugu horeysay gudaha dalka lagu qabtay waxaana la gudoonsiiyay Koobk qurux badan oo ay la socoto shan kun oo doolarka Mareykanka ah.
Elman waxay rikoor liidata ka haysatay lixda afar ka mid ah kooxaha tartanka kala qayb galay hase yeeshe markaan waxay tartanka ka muujisay iney tahay koox weyn oo ka mid ah kooxaha ugu koobabka badan gudaha dalka.
