Madaxwaynaha Dawladda Puntland Dr.Cabdiweli Maxamed Cali Gaas ayaa maanta oo taariikhdu tahay 25 December 2017ย kormeeray xarumaha dawladda ee magaalada Gaalkacyo , isla mar ahaantaanaย xarigga ka jarayย sadex waddo oo laami ah iyo dhismaha bangiga dhexe ee magaalada Gaalkacayo.
Dr Cabdiweli ayaa waxaa xarig jarka waddooyinkaasi iyo dhismaha bangiga dhexe ku wehelinayey Guddooyimaha Gobolka Mudug, duqa Degmada Gaalkacayo, mas’uuliyiin ka tirsan goleyaasha Puntland, saraakiil ka tirsan Madaxtooyada Puntland iyo masuuliyiin kale.
Related posts
Waddooyinka muhiim ka ah ee xarigga laga jaray ayaa waxaa kamid ah waddada Cumar Dheere oo dhererkeedu yahayย 1km iyo 140m [ Hal kiloo mitir iyo boqol iyo afartan miter] , waddada Xero-Dayaxay oo dherer keedu yahay 200m [ laba boqol oo Miter], iyo waddada Gaadda Yare oo iyana dherer keedu yahay 2km [laba Kilo Miter ].
Madaxweynaha Puntland oo ka hadlay waddooyinka uu xariga ka jaray ayaa ku tilmaamay inay muhiim u yihiin bilicda iyo horumarka magaalada, waxaana uu mahad balaaran u jeediyey hawlwadeenada Degmada Gaalkacyo oo iyagu hirgeliyey dhismaha waddooyin kani.
Sidoo kale Dr Cabdiweli Maxamed Cali Gaas ayaa soo kormeeray dhismaha cisbitaalka weyn ee magalada Gaalkacyo oo dhismihiisu marayo heer gebogebo ah, dhismaha Suuqa xero Dayax, xarunta Wasaaradaa Ganacsiga iyo xarunta Wasaaradda Kalluumaysiga oo dhismaheedu heer gebo-gebo ah marayo.
Madaxwaynaha dawlad Goboleedka Puntland ayaa maanta intii uu ku guda jiray kormeerkiisa shaqoย waxa uu xariga ka jaray dhismaha cusub ee bangigaga dhexe ee magaalada Gaalkacyo ee xarunta gobolka Mudug.
Dhinaca kale Madaxweynaha Puntlandย ayaa sooย kormeeray xarunta cusub ee Madaxtooyada magaalada Gaalkacyo oo dhismeheedu si xawli ah u socdo, loona dhisayo si casri ah taasi oo ka kooban xafiisyo, deegaan iyoย hoolalka shirarka, waxaana dhismeheeda lasoo gebagebayndoonaa bish Labaad ee sanadka cusu ee 2018, waxaana mar uu oo ka hadlayay muhiimadda ay leedahay dhismaha Madaxtooyadu iyo mashaariicda waaweyn ee dawladdu ka hirgelisey magaalada Gaalkacayo ayaa waxaa uu yidhi.
“Waxaan nimi madaxtooyada magaalada Gaalkacayo waxay kamid tahy mashiircda waaweyn ee kasocota magaaladaย Gaalkacayo kuwooda ugu muhiimsan, waxaan kale oo soo booqanay meelo kale aa ay kamid tahay xero Dayax oo ah meeshii aan kadhisnay suuqii waynaa ee Gaalkacyo, waxaan soo marnay dhismihii waynaa e cisbitaalka oo socda, waxaan kale oo soo marnay bankigii oo shaqa fiican ay ka socto oo meel fiican maraya” ayuu yiri Madaxweynaha Puntland.
“Waxaan kale oo soo marnay wadooyin badan oo aan xariga kasoo jarnay, kuwo kalena waan hirgelin-doona Insha Allah, waxaa kale oo kamid ah mashruuciida waa weyn ee aan ka hirgeliney magaalada dhsimaha Wasaaradda Kalluumaysiga iyo hay’adda jidadka, Wasaaradda Ganacsiga, Wasaaradda Maaliyadda waxaas oo dhan waxay ahaayeen mashaariicdii aan ka fulinay gobolkan iyo kuwo kale oo tira badan oo aanan soo koobi karin”. ayuu yiri Dr Cabdiweli Gaas.
Ugu danbayn, Madaweynaha Puntland Dr. Cabdiweli Maxamed Cali Gaas ayaa booqday Islaam Bashiir Islaan Cabdulle, waxaana ay yeesheen kulan gaar ah oo qaatay wakhti kooban.
ย -DHAMMAAD-
