Madaxweynaha Dowlad gobaleedka Galmudug mudane Axmed Cabdi Kaariye (Qoorqoor), ayaa munaasabad xalay ka dhacday Madaxtooyada Cadaado ku guddoonsiiyay koobkii degmooyinka kubadda cagta degmada Cabudwaaq oo ku guuleysatay tartankii kubadda Cagta ee degmooyinka Galmudug.
Sidoo kale, madaxweyne Qoorqoor, ayaa billado guddoonsiiyay Cayaartooyda degmada Dhuusamarreeb oo gashay kaalinta labaad ee tartanka.
Madaxweynaha maamul gobaleedka Galmudug, ayaa gabagabadii xusay muhiimadda ciyaaruhu u leeyihiin isdhexgalka bulshada, sidoo kalana ay sanadka dambe kasoo qayb gali doonaan koobka dhammaan degmooyinka Galmudug.
