Madaxweyne ku xigeenka Galmudug Maxamad Xaashi Cabdi iyo taliyaha hoggaanka tababarrada iyo qorsheeynta ciidanka boliiska Soomaaliyeed sareeyo gaas Maxamad Cabdule Dhoore ayaa dagmada Cadaado ee maamulka Galmudug tababar ugu furay ciidamo cusub oo boliis ah oo ay yeelaneyso Galmudug.
Ciidamada tababarka loo furay oo dhan 400 askari, ayaa ka kala yimid 10 dagaan oo ka tirsan gobolka Galgaduud sida Cadaado , Baxdo , Cabudwaaq, Xeraale , Godin labe, Cada kibir , Balanbale , Docoleey , dhabbad , Miirjecley. Waxa uuna soconayaa mudo 3 bilood ah .
Taliska ciidanka boliiska Soomaaliyeed ayaa wada dadaalo ku aaddan in lasameeyo ciidamo cusub oo boliis ah oo ay yeelanayso dowlada goboleedyada dalka ka jira .
Iyadoo xusid mudan tahay in sidoo kale la furay dugsiga ciidankan cusub ku tababarayaan , uu xariga ka jaray madaxweyne ku xigeenka Galmudug .
Madaxweyne kuxigeenka Galmudug Maxamad Xaashi Cabdi ayaa uga mahadceliyay taliska ciidanka booliiska Soomaaliyeed taageerada ay la garab taaganyihiin maamulka Galmudug.
‘’Sida aad la wada socotaan waxaan hore tababaro ugu soo furnay , qaarkoodna usoo xirnay dowlad goboleedyada sida jubaland, iyo koon fur galbeed bilihii lasoo dhaafay, taasi waxa ey qeyb ka tahay ololaha aan ku dooneeno in lasameeyo boliis dowlad goboleedyada , iyadoo wixii taakuleen ah uu ka caawinaayo taliska guud ee ciidanka boliska soomaaliyeed oo uu hormuudka u yahay taliyaha ciidanka boliiska Soomaaliyeed sareeyo gaas Maxamad Sheekh Xasan Xaamud, oo had iyo jeer u taagan sidii loo tayeeyn lahaa ciidamada boliiska Soomaaliyed heer fedraal iyo heer dowlad goboleed ‘’ ayuu yiri taliyaha hogaanka tababarada iyo qorsheenta ciidanka boliiska
Waa markii ugu horeysay oo maamulka Galmudug sidii loo dhisay uu sameesto ciidan cusub boliis ah maamulka uu leeyahay , waxaana munaasabadaasi tababarka lagu furaaye ka soo qeyb galay haween, maamulka dagmada Cadaado , dhalinyaro , xildhibaano iyo wasiiro ka tirsan Galmudug.
