Munaasabad ay ka qayb galeen mas,uuliyiin ka tirsan Dowladda Federaalka ee Somalia ayaa waxaa shahaadooyin lagu Gudoonsiiyay Ardada kaalimaha hore ka gashay Tartan Cilmiyeed Hay.adda Waxbarashada Nile Academy oo Dalka Turkiga laga leeeyahay ay u qabatay Ardada wax ka barata Iskuulaadka Wax barasho Ee Gobolka Banaadir Iyadoo Munaasabadaas lagu qabtay Magaalada Muqdisho.
Munaasabada ayaa Mas,uuliyiinta ka qayb gashay waxaa ka mid ah Wasiir ku xigeenka Wasaaradda Arimaha Dibadda Soomaaliya Gudoomiye ku xigeeenka Maamulka Gobolka Banaadir Ee Arimaha Bulshada Gudoomiyaha Degmada Waabari iyo Mas,uuliyiin kale waxaana lagu qabtay Degmada Waabari Iskuulka Farsamada gacanta Ee Buulo Tikniko.
Ugu Horeyn ayaa waxaa ka hadlay Xaflada Gudoomiye ku xigeeenka Gobolka Banaadir Ee Arimaha Bulshada Iimaan Nuur Iikar oo hambalyo u diray Ardada Faa,iideysatay waxaana uu ugu Baaqay Ardada Soomaalida ah ee wax ka barata iskuulada ay maamulaan Turkida in ay ka Faa,iideestaaan Fursadaha ay Heestaan.
Wasiir ku xigeeenka Wasaarada Arimaha Dibadda Soomaaliya Mudane Axmed Cali kadiye oo isna ka hadlay xafladaas Biladaha lagu gudoonsiinayay Ardada ayaa waxaa uu marka hore mahad naq balaaran u diray Walaalaha Turkiga isagoo ku amaanay Doorkooda Waxbarashada Dalka waxaana uu u soo jeediyay in ay sii wadaan caawinta Dhalaanka Soomaaliyeed Dowladda Soomaaliyana ay Marwalba soo dhaweyneyso Caawintaas.
