Ugu yaraan 19 qof, oo ay ka mid yihiin 10-xubnood oo ka tirsan dadka tirada yar sikh ee Afganistaan, ayaa lagu dilay qarax naftii halignimo ah oo ka dhacay magaalada bari ee Jalalabad, sida ay sheegeen masuuliyiinta.
Qaraxa oo dhacay Axaddii shalay ayaa waxyeeleeyay dukaamo iyo dhismooyin ku dhow Mukhaberat, ayuu yiri Attaullah Khogyani, oo ah afhayeenka gobolka.
Qaraxa ayaa yimid saacado ka dib markii madaxwaynaha Afqaanistaan Ashraf Ghani uu ka qeyb galay xaflad lagu furayay isbitaal ku yaal magaalada caasimadda ah ee Nangarjar.
Taliyaha Booliska Nangarhar, Ghulam Sanayi Stanekzai, ayaa sheegay in qaraxa uu ahaa mid naftii halignimo ah oo la beegsaday baabuur ay saarnaayeen xubno ka tirsan qowmiyadda Sikh kuwaasi oo doonayay iney la kulmaan madaxweynaha Afgaanistan.
Inamullah Miakhel, Afhayeenka Waaxda Caafimaadka ee Nangarhar, ayaa sheegay in 19 qof lagu dilay weerarka halka 20 kalena ay ku dhaawacmeen.waxayna Saraakiisha sheegeen in ugu yaraan 10-Qof oo dhintay ay ahaayeen Qowmiyadda Sikhs.
Warbaahinta maxalliga ah waxay warineysaa in ciidamada ammaanku si deg deg ah u xireen goobta qarax uu ka dhacay si gaadiidka gurmadka ah ugu suurta gasho iney qaadaan dhibanayaasha.
Ma jirto cid ilaa iyo hadda sheegatay weerarka naftii halignimada ah ee ka dhacay Afgaanistan.
