Shir looga hadlayay xakaneynta COVID-19 ee garoonka Aadan Cadde ayna ka qeyb galeen, mas’uuliyiinta hay’addaha xafiisyada ee dowladda, ammaanka, Socdaalka, maareeyaha maamulka guud iyo amniga garoonka, maareeyaha hay’adda duulista rayidka, saraakiisha AMISOM, booliska, labada urur ee shirkadaha diyaaradaha ku kala mideysanyihiin, FAVORI, ganacsatada diyaaradaha, iyo howlwadeennada iyo maamulka ee xakameynta COVID-19 ee Wasaaradda caafimaadka ee garoonka ayaa maanta ka dhacay saldhigga boolista garoonka.
Shirkan oo uu guddoominayay Wasiir ku xigeenka Wasaaradda gaadiidka iyo duulista hawada ayaa laga soosaaray 10-qodob oo qeyb ka ah xakameynta xanuunka soo laba kacleeyay ee COVID-19.
Qodobadan oo soo gaaray warqabadka Warbaahinta Qaranka garoonka ayaa kala ah.
1- In maamulka shirkadaha ay keenaan jadwalka kala fogaanshaha duulimaadyada.
2- AMISON iyo booliska waa in ay oggolaan in albaabka uu ka soo galo qof aan sidan weji shareer ama af-xirka ‘face mask’ gudaha garoonka.
3- In howlwadeennada hay’adda socdaalka ay soo galaan waqti hore si ay ufudeeyaan howlaha rakaabka.
4- Favori llc waa in ay buufiyaan diyaaradaha, boorsooyin rakaabka ayna hagaajiyaan tas-hilaadka Airport ka.
5- Wasaaradda caafimaadka in ay si xoog ah uga taxadirto warqadaha been abuurka ah ‘fake letters’ ah ay soo qaataan qaar ka mid ah rakaabka.
6- In la raaco habraacyada Wasaaradda caafimaadka ay fareyso
7- in lala tiigsado sharciga qofkii, shirkaďdii iyo hay’adaha kala duwan ee dowladda, ee ku xadgudbo habraaca Wasaaradda caafimaadka ay fareyso.
8- laamaha ammaanka waa in ay illaaliyaan fullinta Habraacyada ay fareyso Wasaaradda caafimaadka.
9- In waqti kasta la wacyigeliyaa rakaabka, kala fogaanshaha, iyo xirashada weji xirka face mask.
10- In si laba jibbaaran loo hubiyo duulimaadyada caalamiga iyo kuwa gudaha.
Shirkan ayaa yimid labo cesho kadib markii uu Ra’iisul Wasaare Maxamed Rooble uu soo saaray habraac xakameynta COVID-19, taasi dhaqangalkeeda uu ka billabmayay Arbacadii shalay ee ku astaysan 3-da March 2021-ka.
