Cabdullahi Qosal Biid waa wiil da’yar kuna nool deegaanka Xarfo oo hoostaga dagmada Gaalkacyo ee xarunta gobalka Mudug wuxuu horay ugu guuleeystay isku dayo wanaagsan oo kasoo maaxday maskaxdiisa taas oo uu ku sameeyay diyaarado uu isagu farsameeyay balse Cabdullahi fikradisii iyo farsamadiisii horay kagama uusan harin isku daygii koowaad ee guuleeystay waxaana haatan uu sameeyay diyaarado ka duwan kuwii hore maadaama kuwii hore aysan aheyn kuwa socanaya ama duulaya.
Cabdullahi Qosal Biid ayaa hadda waxuu farsameeyay diyaarado gacan ku sameeys ah kuwaa oo isugu jira kuwa duulaya ama socanaya taasna waa mid muujineysa dadaalka maskaxeed ee wiilkaan yar.
Dhalinyarada Soomaaliyeed qaarkood ayaa ah kuwo leh halbuur dhaxal u noqan kara dalka haddii ay helaan garab istaag, maadaama Cabdullaahi yare oo ku nool deegaan aan sidaasi uu weyneeyn uu farsameeyay diyaarado gacan ku sameysa ah isaga oo aan heysan qalab iyo garab istaag midna.
