Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa kulan kula yeeshay guriga dhaqanka degmada Caabudwaaq, Ugaas Maxamed Ugaas Axmed Ugaas Faarax, Odayaasha dhaqanka iyo bulshada oo uu kala hadlay nabadaynta, dib-u-heshiisiinta, kalsooni-dhisidda iyo gaarsiinta adeegyada dowladda ee deegaanka.
Ra’iisul wasaaraha oo ku sugan Caabudwaaq ayaa kulanka Ugaaska la yeeshay waxaa ku wehliyay madaxweynaha Galmudug Axmed Cabdi Kaariye Qoorqoor, wasiiro ka tirsan xukuumadda Soomaaliya iyo mas’uuliyiin maamulka Galmudug kamid ah.
